إنزل ...إنزل...

م الشباك...
سمعت منادي...
علينا بينادي....
إنزل إنزل...
مش بنهبل...
جد الجد...
إوعى تهاب...
إنزل إنزل...
لجلي ولجلك...
لجل بلدنا ...
لجل ولادنا...
لجل حفيدي...

لجل حفيدك...
لجل نعيش بحلال...
..

عايز أعيش...
بكرامة...
واستقلال...

...

عايز أعيش...

من غير أغلال...

...

...
إنزل إنزل...
حرام... لينا...ليه..

مُرَتب...
يِكفي العيال...
حرام لينا...
حلال ليهم...

قصور و خدم...

عزب وجناين...

واحنا البيت...

يدوبك أوضة...

من غير حيط...

...

...

إنزل إنزل...
إوعي تخاف...
عدِت

علينا...

سنين جفاف...

للورا ...

ما عدش فيه...

إلتفاف..

..

...
إنزل..إنزل

لجل ولية...

بطارحة وجلابية...
لجل الواد بتاع الطعمية...
لجل موظف غلبان..
لجل مدرس من بتوع زمان...
لجل دكتور واقف يضمض جرح الغلبان...

في مستوصف تعبان...

إنزل إنزل..

...

...
بصيت حوالية...
لقيت ولادي...

بصينلي بتساؤل...
في عينيهم أسئلة...

وشبه إمتحان...
لأبوهم الراجل...
رميت السلام...
على فين يا بابا...
عندي معاد...

مع الولاد...

هناك.. في الميدان...

في الشارع...

اللي على مدد الشوف مليان...

إنزل إنزل...