عارف...

عارف...
أخويا جعان...
وأنا... و كل الجيران...
عارف...
طابور العيش مليان...
ولما بنوصل بعد زمان...بيبقى خلاص...خلصان...
عارف...
أنا مش عارف أعمل إيه...
في رقبتي دسته وأمهم وأخوها وستهم...
كلنا عايشين في مطرحين...
لا كهربه ولا ميه ولا صرف...أصله هنجيب منين...
إيه؟؟... كله تمام...!!!
لا... ده كان...

بلقمة وشوية فول...وعليهم حبة زيت و نقطتين لمون...
النهاردة مفيش ...حتى العيش...ما لقيش...
بيني وبينك..
أنا طقيت ....
من دي حكومة...
ومن دي وزارة...
ومن ده زمان...
أرجع أقولك...
عارف...
ربك حنان...

هيزيح الغمة...

هيدي...اللقمة...

ومش بعيده عليه...

يغير ديه أحوال...

أصل...دوام كده حال من المحال...