إبني الحبيب همام...

بيعمل كل حاجة بحب واهتمام...

ويهمه يكون كويس...وتمام...

بس للأسف زنان...

النهاردة...

صاحي الصبح زعلان...

مديها صراخ وعياط كمان....

آل إيه...

بلاش المدرسة النهاردة...

الأبلة عاملاله خضة...

بالعافية والمحايلة... آم...

غسل وشه والسنان...

ووهو بيركب الباص قالي...

لو جت جنبي...

هقولها وبعلو صوتي الرنان...

أنا نمر مش إنسان...

وما حدش يقدر للنمر يقول...

تلت التلاتة كام...

بصراحة فرحت بيه...

ده الواد طالع لأبوه...

علشان كرامته يعمل كل ما تتصوروه...

ولا يمكن يبادلها...

بمال على كترته...

و إن كانت لقمته أو حتى هدمته على الأمر ده موقوف...

هيقولها عاليا وواضحة...آسف ما يلزمهوش...