جنب وزارة الزراعة...

ماشية بسرعة قبل العصر...

شفت موظفينك يا مصر ...

حسيت إني عايزة أدي كل واحد قصر...

وأخليله قيمة ومركز ويحس جواه بعزة ونصر...

بدل البصة المطاطية...وانعدام الرأي والشعور بالقهر...

...

...

لو كان بئيدي...

كنت وزعت عليهم مش بس السندات...

لأ كمان مهيات ومكافآت البهوات...

بدل ما عند الست تايير واحد أو جلبية...

يبقي عندها مية...

وبدل ما الراجل داخل لولاده بطعمية...

يبقى داخل بكفتة وكباب اللي هية...

....

....

ياتري الرجالة هتنبسط وتبقى سعيدة...

ولا أول ما تقرب اللي كانت بعيدة...

هيبص لواحدة جديدة...

ويجيب للست مراته...

ضرة...

وقرطة عيال ...لجل ما يرجع من تاني على الحديدة...

والستات...

هتكتفي وتقول الحمد الله ...ربنا يستر في الآت...

ولا هتفضل تقول للراجل هات...هات؟؟؟

....

....

ياموزع الأرزاق...

حكمت الجبابرة في رزق العباد...

طابقين على خيرات البلاد...

مش ممكنين منها إلا اللي زيهم...مستفاد...

ده اختبار صبر...

ولا رسالة...لتغيير الأمر...