أوباما....

أوباما فات...
عدا من بين المؤامرات...
معقول الأمريكان...نسيو اللي فات..
معقول خلاص معندهمش فرق ولا مقامات...
اللي امبارح كان بيحارب...لجل ما يعد جنب الأبيض في الباصات...
لجل ما يثبت أصله وجذره وتاريخ خطفه من الغابات...
هو اتجاوز...هما اتجاوزه...
وكله مأمل في الآت...
....
....
عيني علينا...
عيني عليك يا ساكن مصر...
في النجوع...في القرى...في الحارات...
يع... دول فلاحين...مش ولاد زوات...
عيني عالنوبي...
عيني عالبدوي...
لا معلش...بلدنا بلد مقامات...
ولا حد يقدر يتجاوز ولا يختصر المسافات...
محلك سر يا باني الأهرامات...
....
....
كل ما ناخد خطوة لقدام...
يرجعوك...
عشر خطوات...
وهيجبوك...وهيدفنوك...
ويسكتوك...بالتقاليد والعادات...
أفكار صدت...
لفت لفت...
خنقت فينا كل محاولة ...للإفلات...
....
....
عارفة تمام...
اللي موقف جري الفكرة...
اللي منع عني وعنك ضي الكلمة...الحرة...
اللي منور بكرة بشمعة...وحاجب نورالفجر بقوة...
قهر الضلمة...
قسوة قلبه...
وكلمة حاضر..
أمر جنابك...حلم الأمة...
يابني خلاص...كله مصدي...

من طول القعدة...

...

...
عايز نجري...
عايز الفرصة...
قوم وانزعها...
قوم واتحرك...
غير لابنك وابني...
شكل الدنيا...
اصنع فرصة...
لوطن واسع...لوطن...عمره...
ما قل في عيني...
رغم الحاصل...
جوه وبره...
لوطن...
فاضل...
زي الشمس...
بيغيب...فترة...

فنقول...

اللي مش معقول...

إنه مكتفي...

وأد كده سعيد...

بتمن سياسي...

خايب... للواسطة...

ودوره...منحصر...

في الشجب والتنديد...

وقوالة...

محتاجين مزيد...

من الدعم العالمي...

لأزمتنا اللي كل يوم يتزيد...

....

....

بس لاشك...
غصب عنهم...

زي الشمس... هيلف يلف...

وهيرجع...تاني ينور...

وهيطلع قدام الكل...

بهداوة...وهيبهر نوره...

كل الدنيا...

وحتى أوباما...

مش هيصدق...

التغيير اللي هيحصل...

في الناحية التانية...

الناحية الشرقية...

الناحية العربية...

من الكورة الأرضية...