المقاولون العرب...
النهاردة وأنا سايق في الزحمة اللي زي السد ...
شفت عربية نص نقل صفرة...صغيرة...عاطلانة...محتاجة زقة... يد...
راكب فيها راجل زيي... شكلة تعبان... ومتهد...
مكتوب عليها المقاولون العرب...
....
....
صراحة حبيت أحييه وعلى إيده أشد جامد...
ده كل شيء صالب طوله في هذا البلد...
هما اللي حطوله الأساس... والعمد...
حبيت أقوله أنا آسف... بجد...
على إن اللي باعو البلد...
كان لازم يبيعوا معاها المقاولون العرب...لحد...
أصلها بتفكرهم...بالزمن اللي صمد...
في وش الأطماع والإستعمار...والي هدو البيت ومنعوا المدد...
....
....
صحيح ما حدش يعرف للموضوع ده لسه عقد...
لكن التمن شكله كده... كله... اتعد...
أصله بص...اللي بنى....كان بيحب حقيقي البلد...
واللي بيبيع دلوقت...مش سايبله... فيها.. من بعده... ولد...
....
....
لما لقيته مهموم حزين...باين عليه... في الكفاح... الجلد...
قلت ياواد سكت أفكارك دي اللي بلا عدد...
ألا الراجل مش ناقص...بعدين...يموت م الفرسه و الكمد...
