الضعف...

الضعف شيء... مش معقول...

بيطغى على مهارات أقوى عقول...

ويخلي الِمطاطية عادة...وشيء مقبول...

وبالمرة نحب على إيد أي أجنبي ونعتبره من الله رسول...

ولا يمكن نخالف... سيدنا المحتل...

وعلى كل قرار ياخده الأشقر... لابد ما نأشر... بالقبول...

ونطلع ولاد بلادنا مقصرين...وفيهم كل عيب... ونزيد ونقول...

والنفاق صنو للضعف ...علطول...

لابد ما يصيب روح... أعفاها جسد... بالهطل...

والجوز مالهومش دوا...وما فيش أي أمل...

إلا ارتباط الروح بخالق الكون من الأزل...

خلاص...

باب الكلام...قدامي... على آخره... اتقفل...