عجبي!!!!!!!

بستعجب على بعض البني آدمين...

مراكب أفكارهم سارحة في كل بحر...شمال ويمين...

تلف وترجع... زيها زي الموج العالي...هايجين...

بيقولوا كلام كأنه لأنبياء مرسلين...

وياويلك لو قلت لهم غير آمين...

هتنزل عليك اللعنات والاتهامات...آه يا معين....

ومش مهم في السكة إنهم يكونوا لكتير من الناس...بالأوي... جارحين...

نفسي أقولهم...بصوا في مراية الحقيقة....وقولولي سايق عليكو النبي...

انتوا ايه شايفين؟؟؟؟

نبي مرسل للعالمين؟؟

ولا...

إنسان زيه زي الناس العاديين...

اللي على لقمة العيش مدورين؟؟؟

معلش...

هينسينا...مرور السنين...