بذاكر للعيال وروحي طالعة...
بعدد شعر راسي متخانقة...
مش كان زماني مرتاحة من دي زنقة...
لو في المدارس الامريكاني العيال متاخدة...
ده حلم كان...
الآن أصبح من الإستحالة بمكان...
بعد ما سمعنا عن كتاب التاريخ واللي متقال...
عن ما حصل عندنا وعندهم من زمان...
آل ايه ثلاثة عيال...
بعد النازي ما خد اهلهم والمال...
علي أرض جديدة كان المآل...
والسؤال...
للطالب المصري ابن الناس التقال ...
حفيد تلات حروب على التوال...
اوصف فرحتك يا قطقوط...
لو انت مع العيال دول ...
و خلاص علي حدود ارض الجدود...
لا... خليني احسن...
مزنوقة في المذاكرة مع عيالي...
لإن أنا سؤالي...
اللي مع حليب الأم رضعته ...
وفي كل شبر من بيتنا سمعته...
ايه شعورك يا ولدي...
وانت بسلاحك الصاحي...
بترجع لأحفادي...
أرضي ووطن أجدادي...
* من قبيل الأمانة..لا أذاكر وحدي...ولكن يذاكر لهم أيضا زوجيJJ
ليست هناك تعليقات:
إرسال تعليق