السفر
- بتحضر الشنطة ليه؟؟ إحنا مسافرين؟؟
- لأ يا حبيبي أنا إلي مسافر.
- فين؟؟
- رايح إيطاليا.
- ياه... إيطاليا دي بلدي المفضلة، عايش فيها آل.
- مين آل ده...؟؟
- زعيم عصابة بس بيساعد الفقراء، لما بيلاقوش أكل بيجبلهم دليفيري.
- نعم؟؟؟ مين قلك الكلام ده؟؟
- أنا عارف أقولك إسم العصابة إيه؟؟
- اسمها إيه؟؟
- المافيا.
- يا حلاوتك...تعالي يا ستي شوفي إبنك بيقول إيه...
- خير إن شاء الله فيه إيه...
- بيقول في عصابة اسمها المافيا زعيمها اسمه آل وبيساعد الفقرا اللي مش لاقيين ياكلوا ...الباشا بيجبلهم دليفيري...
- انتابتها نوبة من الضحك...وهي تقول هقولك بعدين تي توليفة من درس القراءة اللي آل البطل فيه ومن قصة بريد الأهرام اللي كنت بحكيهالك الصبح.
- لأ يا ماما أنا عارف ديه حقيقة.
- طيب يا حبيبي شوف أختك فين وادخلوا لونوا مع بعض.
- عايز أقول لبابا حاجة؟؟
- اتفضل.
- هتوحشني مش عايزك تسافر.
- وأنا كمان يا حبيبي بكره السفر.
- تدخلت الام: لأ اللي مسافر مش بنقوله كد يا حبيبي بنقوله ربنا يوفقك ترجع بالسلامة حجات تقويه كدة مش عياط بأه يا عاطف يا بتاع العواطف...
- ضحك بخجل وهو يقول: بطلي بأه بطلي...بس أنا زعلان إنه مش هيبات معانا وهيبات في إيطاليا.
- برضه ماتقولهاش تخليها جواك وتقوله لما يرجع، تحب وانت مسافر تدرس مثلا أقولك كده وتقعد جنبي؟؟
- أنا مش هسافر أنا هفضل هربان من البوليس في مصر.
- هربان ليه هتهرب؟؟
- هبقى رئيس عصابة زي آل وهجيب للفقرا ديليفري من ماكدونالدز...ينفع نتعشى مكدونالدز النهارده؟؟
.......
.......
ليست هناك تعليقات:
إرسال تعليق