عيد جوازنا...

زعلتي لما نسيت؟؟؟
سكت وعلى شاشة التلفزيون بصيت...
لو قلت...
إن الزعل منه مش سهل...
ببساطة لأنه سيد الكل...
وإني معاه...
بعمق حبيت...
وبقالي جنه و بيت...
في ضله أنا مشيت...
بأمان...أكتر مما في حياتي كلها... اتمنيت...
وإن كل يوم معاه...عيد ...بستناه...
وإن كل منانا هو دوامه معانا...
لو قلت...

كل اللي فات...

هيبقى عن حقي إتنازلت...

ولاإني قدرت...

في السكات طولت...
هاه...بجد...
زعلتي لما نسيت؟؟؟
رديت ...
إزاي بتقول نسيت...
وانت معانا مش مدخر مجهود...
واللي معاك لينا من غير أي حدود...
كفاية إنك...
علشاني... علطول موجود...
كل يوم عيد جوازنا يا حبيبي إنت...
ويكفيني منك..حبك...
اللي كل لحظة في حياتنا عليه شهود...