جيت ...


جيت...
من شغلي هلكانة...
قابلتني بنتي بالأحضان...
وقالتلي...كل ده تأخير...أنا زعلانة...
وجريت جابت لعبة أدوهالها في الحضانة...
ماما...أمي...مامتي...
ممكن تيجي معايا...نلعب باللعبة...
في المية...المليانة...
قلتلها صدقيني... أنا تعبانة...
ومغلس عليا زميل في الشغل...فطالع روحي...وطهقانة...
بصتلي في عنية...
ولفت إيديها حوالين إيدية...
وقالتلي بمنتهى الحنية...
إلعبي معايا شوية...
وأنا هديلك بوسة...

وحضن...

ولحسة من المصاصاية...
...بعد الكلام ده...
هقول أنا إيه...
غير بس...حاضر...و طبعا ...من غير ليه...
علشان عيونها الحلوة...
وبوستها العسلاية...