لوران...

(في عيد الأم)

بلكونة واسعة في لوران...
شاي وبسكوت...و حلو يا رمان...
مع لمة حلوة اسكندراني...
كور شوكالاته...عاجباني...
وفراولة بكريمة لباني...
.....
.....
كله دايما...عندها موجود..
الجودة باكتر م الموجود...
.....
.....
أسرار كتير ياما...إتقالت...
ودموع أحيانا سالت...
بس كله نزل مبسوط...
....
....
عيون بنية لماعة...
طله علينا من شراعة ...
دعت دعوة بحنيه...
بلهفة جميلة ...حقيقيه...
....
....
رغم التعب والسنين...
السر دايما في بير أمين...
من غير لا تمن ولا يمين...
ربت عيال...قبل الأوان...
وهتبقى جدة...شوفتو الزمان...
.....
.....
صراحة آن الأوان... الفرح يدخل حينا...
بعد أحزان تقال... فضلت مدة عندنا...
.....
.....
رحمة ونور على اللي راحوا...
آه لو شافوا حملنا...
وتقل الشيلة على كتفنا...
وإزاي مشينا...ما انحنينا...

نَفسهم اصله كان معانا...
و...ذكراهم علطول...سندانا...
في
طريق عمرنا...
الأمانة ما خنهاش...والأمل ما فارقناش

إن...يوم...
يجمعنا معاهم ربنا...
....
....